金玉滿堂

营业中

休息中

天气开始转凉，总会有人问几时食羊腩煲。今日约咗朋友去钓虾，之后佢哋就拣咗嚟呢一间金玉满堂食羊腩煲。★̆̈ 双冬扣黑草羊腩煲（中：$368）呢个羊腩煲系用全羊腩制作，配菜仲有冬菇，马蹄，枝竹同笋，另外仲送咗生菜。一开始食嘅时候有啲冻同韧，原来个羊腩煲系要冚盖煲8分钟之后再食，煲完之后都系觉得个羊味虽然唔腥，但唔够浓，未够入味，肉质一般，连皮会好食啲。下面加左个架，可以放心煲～唔会㶶底。★̆̈ 脆皮一品烧鸡 （半只$158）个皮劲脆，鸡肉好滑，带有咸香味，点埋少少盐吊味，好夹★̆̈ 金稻穗香一口牛 （$158）牛柳粒够肥，食落好腍，牛味都几浓。金稻穗香记系指饭，个饭应该有炸过，有少少脆脆食落好特别，仲捞咗好少嘅Wasabi酱，食起上嚟几特别。除咗牛同饭之外，碟嘢入面有茄子肉，本菇，仲有个腌过嘅苹果，食落爽口酸酸辣辣嘅，成碟嘢都好特别，叫嘅时侯唔预有咁多嘢，好似寻宝咁😂总括嚟讲，觉得个鸡同牛比羊腩煲出色，镬气唔错，但店员态度就一般般。