嘉蘭娜餐廳 (已結業)

哗，咁多人弹呢间餐厅，真系吓我一跳！不嬲都几钟意Galano 菜式，所以想在此为佢平反一下。呢间餐厅一向都会将当日精选写个有辘镜上面，由侍应推埋客人前作介绍。如果冇兴趣听，可以同侍应讲声，咁佢应该唔会继续骚扰你。正如大部份比较高级西餐厅，呢度基本上冇供应免费水，不过如果客人需要热水，亦唔会托手或收费。讲番食物，呢度海鲜意大利饭真系非常美味，有鲜味但唔会腥，而且饭粒质地恰到好处。不过头盘类则只属普通，白酒煮蚬可以一试，生牛肉沙律就唔系几得。此外，呢度素薄饼系我最钟意，饼底香脆，馅料亦好鲜味，我通常会请厨师帮我加少少黑橄榄，惹味好多！值得一提系呢度红酒(House Red),相当好味而且价钱合理─约二百几一樽，系97年份意大利酒，算抵饮，Citysuper 都卖175元一樽。至于甜品方面，我几喜欢佢Creme Bruelee ﹝焦糖布甸﹞同朱古力软心蛋糕，后者略甜，不嗜甜者可以免了。整体来说，呢度环境好好，食物亦有水准，价钱属中级，开埋酒每位晚餐都只系二百几元，算抵食。至于各位食家对该处服务投诉，我虽然冇遇过，但有机会都会向佢地反映一。