蒲公英和牛專門店

营业中

休息中

一向钟意食饺子，同事介绍左呢间蒲公英嘅工厦舖叫我去试下，位置在骆驼漆入面，唔算难揾。上到黎睇下，小店主要卖冻肉/饺子/酱料/清酒等，比较特别系佢可以现场试食，所有食物都可以叫店家煮黎食㗎，根据返食材黎收费。始终系工厦店，店内环境当然唔可以同餐厅相比，但简简单单都几好。同事推介佢嘅饺子，咁就生煎同水煮都试下先，有厚皮同薄皮之分，口味就有三款。要左份水煮薄皮白菜饺，简约风上碟，没多余的装饰。水饺入口皮滑多馅，猪肉同白菜比例刚好，食到肉鲜味又有菜口感，好味噃。另一碟系生煎厚皮韮菜饺，个皮厚啲口感烟韧啲，外层煎得香脆好正，韮菜饺味道浓啲，咬落仲有菜汁流出黎添，呢碟都好好味。仲有枱上呢个自家制辣椒酱都唔错，唔系好辣但重蒜味，同饺子夹㖞。食到有少少口渴，去雪柜拎野饮先，拣左呢支乌龙茶，雪柜入面仲有果汁/咖啡等选择㗎。两款饺都好好食，现场食过有信心保证，买返啲生饺返去先。