Joie Plant-based Bistro (已結業)

原来由男朋友屋企出发去南丰纱厂，系好近嘅事~坐系天井位帮衬咗呢间望落都几健康嘅餐厅，假期都有Set可以跟蕃茄浓汤，成个汤都系用蕃茄Blend 出黎，微酸都唔错。男朋友叫咗个牛油果卷加沙律，沙律方面都唔差嘅，只系个牛油果卷块皮太厚，食落好硬又无味。而我叫咗个黑松露意粉，佢又储单，又无限等到大家差唔多食完先黎，有黑松露香，但入口就比较淡味。基本上都算系正常，食完个碟底都唔会话太油。另外叫咗杯咖啡，咖啡偏酸，冻咗仲酸，唔系我口味。男朋友习惯要加奶饮啡，但呢到只有斋啡供应，要自己加奶，咁佢又唔识加，搞到成杯啡可以丢得。不过唯一有惊喜系个捞乌冬，估佢唔到都几多菜，仲系热食架添~