影片
更多
2009-07-26
25 浏览
其实由book位开始我哋都因人数左改右改,改咗五次改到连自己都唔好意思,但系佢哋都无嫌我哋烦仲好好声气,服务态度都算唔错几ok嫁喇,去到代客泊车班哥哥仔服务都ok细心仲提我哋攞齐嘢添,入到去待应带位都ok无乜问题仲有d贴心位,就系负责二楼个待应姐姐虽然笑容欠奉但就帮仔仔揾櫈坐,事源仔仔坐bb櫈就顶住只脚,坐普通櫈就唔够高,于是待应姐姐就攞咗3张太阳櫈叠高比佢坐,后来佢见我哋人多仲攞多张太阳櫈比我哋摆手袋添,呢方面真系值得一赞呢位细心嘅待应姐姐(如果有笑容会更加好),但系唔知系咪因为呢期d食评个个都话唔好,所以我哋8:00pm去到入座率只得六,七成,可能因为咁所以各方面服务都好d喇,到点菜因之前睇过食评话烧蛏子唔错所以叫咗半打,点知得一半新鲜另一半又细又唔新鲜,食唔食到好嘢就真系要睇下妳好唔好彩嘞,泰式拼盘水准一般,咖喱蟹个汁ok,蒜蓉饱x2ok,白饭x2ok,明炉酸辣炸鲈鱼几好味,咸鱼炒芥兰ok,红酒牛尾ok,唯独豆豉鸡超唔掂,无豆豉味又无鸡味,好似烚熟d鸡之后求其加配料炒埋一碟再洒d豆豉系面无味到离晒谱,今晚七位大人一位小童消费盛惠13xx,其实睇下环境ok,食物ok,价钱勉勉强强o
张贴
