緣屋 札幌元袓蝦湯拉麵 (信德中心)

营业中

休息中

又到午饭时间，近期喺公司做到呢，所以今日同个同事出去行下，食个靓饭。都有一排无食过拉面，所以今日去左上环信德呢间新开嘅拉面店。每次 Lunch time 经过都几多人排队，但既然今日唔想太早返到公司就即管排下。呢间个招牌系虾汤底，所以我就叫左呢个。先讲下个汤底，佢系浓味嘅，不过唔系虾嘅鲜味。我谂佢应该系有熬个汤底，再加味精 (因为食完都几颈渴)。啲虾味系喺佢另加嘅樱花虾干度黎。所以，我都唔知佢算唔算系真系虾汤底。面底都系普通，有啲似平时超市买到𠮶种。𠮶半粒蛋同𠮶一块叉烧都普通，两样都唔系好够味。个同事怕唔够饱(其实我觉得 Ok)，仲叫多左个白饭，因为佢好奇怪地无得加面。整体黎讲，作为一个返工 lunch time 求其揾野食都算 ok, 不过如果钟意食拉面嘅话就可能觉得唔够好。