影片
更多
2016-01-19
1771 浏览
香港地食野真系好鬼赶架，入到位坐得低，未睇餐牌已经畀人问你食乜，食完个饭未饮完杯水，已经畀人叫你埋埋张单啦。香港地既野食真系好飘忽架，十个食家写话好食，到你食果阵就唔知点解咁难食，可能系你样衰，可能系个厨失恋，又可能系你今朝出门时会无同个看更打招呼，真系乜野原因都有，总之你话好食，就未必人地食果次系好食，食评真系难写过股评架。今日午餐肥柑太又黎陪我食饭，天气湿湿寒寒既情况下，由原本想食印度咖哩改左去日本咖哩。睇左呢头有间叫Cats' eyes既日式咖哩，主打蛋包饭、汉堡同埋咖哩，三样都系我口味，于是就建议柑太去果度食。已经比平时行快几步，去到都一堆人等紧，好在等左一阵都已经有人食完出黎，好快都到我地埋位。入到去，地方系窄既，人又系多既，位就唔多啦，廿个多少少，我地被安排坐巴位，咁好多无人催我地点菜，慢慢研究食乜后，柑太就要忌廉汁加咖哩汁蛋包饭，我就叫咖哩汁加汉堡蛋包饭。等饭期间，张望四周，睇到装潢简单，白木板既墙身上面，加上一两幅日本电影海报点缀下，如果空间大d，气氛应该会更好，以前系西贡食过某日本咖啡店，都有类似装潢，但人地地方大好多，空间感大左，人都坐得舒服d。佢地个开放式厨房上放
香港地既野食真系好飘忽架，十个食家写话好食，到你食果阵就唔知点解咁难食，可能系你样衰，可能系个厨失恋，又可能系你今朝出门时会无同个看更打招呼，真系乜野原因都有，总之你话好食，就未必人地食果次系好食，食评真系难写过股评架。
今日午餐肥柑太又黎陪我食饭，天气湿湿寒寒既情况下，由原本想食印度咖哩改左去日本咖哩。睇左呢头有间叫Cats' eyes既日式咖哩，主打蛋包饭、汉堡同埋咖哩，三样都系我口味，于是就建议柑太去果度食。
已经比平时行快几步，去到都一堆人等紧，好在等左一阵都已经有人食完出黎，好快都到我地埋位。入到去，地方系窄既，人又系多既，位就唔多啦，廿个多少少，我地被安排坐巴位，咁好多无人催我地点菜，慢慢研究食乜后，柑太就要忌廉汁加咖哩汁蛋包饭，我就叫咖哩汁加汉堡蛋包饭。
等饭期间，张望四周，睇到装潢简单，白木板既墙身上面，加上一两幅日本电影海报点缀下，如果空间大d，气氛应该会更好，以前系西贡食过某日本咖啡店，都有类似装潢，但人地地方大好多，空间感大左，人都坐得舒服d。
佢地个开放式厨房上放左小摆设，有几支汽水系度，原来家阵zero都有玻璃装，而佢地有自家制既辣椒酱，系有得卖既，食落似XO酱但唔系好辣。而且佢地有好多小猫猫既摆设，四周望下好易望到。
忌廉汁及咖哩汁蛋包饭
$78
61 浏览
0 赞好
0 留言
咖哩汁加汉堡扒蛋包饭
$94
51 浏览
0 赞好
0 留言
我个饭既分别就系个汉堡，食落口唔实，汉堡肉一咬即散，而虽然肉汁唔多，但系胜在肉质嫩滑，虽然未到顶级，但已经合格有余。伴汉堡既牛肉汁偏甜，但如果混左咖哩食，食耐左就会变得无味，而且个饭底煮得未够干物，只系达到一般白饭伴小菜食既程度，如果系要做汁捞既饭，饭身一定要更干先可以索到汁，同埋食落唔会腻。
自家制辣椒
15 浏览
0 赞好
0 留言
味道方面佢地做到出黎，但要系呢个区竞争取胜，吸引更多客人既话，就要系再提升番佢地食物煮出黎既味道啦。
题外话/补充资料：
店员入面有识日文英文既日藉店员
(以上食记乃用户个人意见 , 并不代表OpenRice之观点。)
张贴
