影片
更多
2017-12-19
59 浏览
今日喺黄金办完货，心情无比咁空虚，唔想再毒L式地去麦记谭仔解决，经过见到呢间餐厅入面咁多情侣，就决定一个人入去自虐一番，间餐厅喺正众所9知既维记猪润面隔离，要嚟番兜都相当易认。这些机会..嗌咗个芝士焗青花龙虾并M7澳洲150g和牛套餐，无几耐就送上咗餐汤同埋餐包，呢度既餐包竟然系牛角包，个牛角包上枱嘅时候都仲系热既，外层仲保持住少少既酥脆，咬落充斥住牛油既香味；餐汤系甘笋薯仔汤，温提热到有啲辣口，可以摊冻啲先饮，个汤散发著淡淡嘅甘笋同埋薯仔味，如果能够再浓一啲相信会更加好；经过餐汤同埋餐包既温热，经已令到毒L的心极度温暖。套餐加32蚊可以拣两个小食，我拣咗吉列忌廉薯饼同台式黑椒肠；吉列忌廉薯饼炸到脆卜卜，脆浆唔会话蘸得太厚，忌廉同埋薯仔既味道相当平衡，内层口感软糯，好味；台式黑椒肠就相当正宗，同喺台湾夜市食到嘅一样，薄薄嘅肠衣被烘烤后爆卜既口感，衬埋里面黑椒嘅香味同埋肥猪肉嘅丰腴，一绝。芝士焗青花龙虾并M7澳洲150g和牛，只龙虾有成只手板咁大，龙虾肉口感弹牙，芝士嘅焦香同龙虾融为一体，非常可口；M7澳洲和牛充满牛味，油脂丰富，令人相当满足，点一点随附既烧汁，𠮶只焦香又系另一个食法；牛
今日喺黄金办完货，心情无比咁空虚，唔想再毒L式地去麦记谭仔解决，经过见到呢间餐厅入面咁多情侣，就决定一个人入去自虐一番，间餐厅喺正众所9知既维记猪润面隔离，要嚟番兜都相当易认。
这些机会..
嗌咗个芝士焗青花龙虾并M7澳洲150g和牛套餐，无几耐就送上咗餐汤同埋餐包，呢度既餐包竟然系牛角包，个牛角包上枱嘅时候都仲系热既，外层仲保持住少少既酥脆，咬落充斥住牛油既香味；餐汤系甘笋薯仔汤，温提热到有啲辣口，可以摊冻啲先饮，个汤散发著淡淡嘅甘笋同埋薯仔味，如果能够再浓一啲相信会更加好；经过餐汤同埋餐包既温热，经已令到毒L的心极度温暖。
套餐加32蚊可以拣两个小食，我拣咗吉列忌廉薯饼同台式黑椒肠；吉列忌廉薯饼炸到脆卜卜，脆浆唔会话蘸得太厚，忌廉同埋薯仔既味道相当平衡，内层口感软糯，好味；台式黑椒肠就相当正宗，同喺台湾夜市食到嘅一样，薄薄嘅肠衣被烘烤后爆卜既口感，衬埋里面黑椒嘅香味同埋肥猪肉嘅丰腴，一绝。
芝士焗青花龙虾并M7澳洲150g和牛，只龙虾有成只手板咁大，龙虾肉口感弹牙，芝士嘅焦香同龙虾融为一体，非常可口；M7澳洲和牛充满牛味，油脂丰富，令人相当满足，点一点随附既烧汁，𠮶只焦香又系另一个食法；牛扒底下嘅系蕃薯条，并无因为放咗喺底下而淋pat pat；配菜方面仲有沙律菜同埋火龙果，食牛扒有火龙果做配菜，感觉相当特别。
张贴
