瓏門冰室 (已結業)

武汉肺炎搞到天下大乱，饮食业都好难挨，大家真系要多d出街食饭，帮手撑良心店~ 本来谂住嚟龙门食佢个下午茶放题， 点知阿姐话今日人多，唔得闲做放题， 咁算啦~ 照食其实食放题系迫自己食多d嘢， 一个正常人，食佢两个tea set 都真系好饱， 食放题只系等自己有个放肆嘅心态，其实真系差唔多钱我一向同鸡有不共戴天之仇，我紧系食鸡脾啦~ 佢个tea set其实都几好， 有两款嘢拣， 可以任你点配，实拣到啱食嘅嘢~ 我要咗卤水鸡脾配粟米碎蛋沙律， 个friend就要咗炸鸡脾配Q版焗肉酱意粉， 个卤水鸡脾好入味， 都好食， 个粟米碎蛋沙律就似什果沙律多d, 都几好食又大兜。茶记几十蚊嘢， 如果你当米芝莲餐厅咁食就死啦， 佢咪系一间正正常常嘅茶记~ 几十蚊食到咁饱，真系no complaint啦~ 支持呀！