影片
更多
2020-09-08
135 浏览
今日喺龙门居附近接老公收工于是我就提议带佢去龙门居食晚饭兼扫街行咗一个圈之后我同老公都决定要试吓龙门冰室元祖店佢个餐牌都几多嘢食亦都好多元化有好多版所以我都冇影晒出嚟门口痴咗张纸系比较平嘅快餐选择喺门口我已经相中左个吉列猪扒餐蛋饭但系入到店面就唔见有呢个手写餐牌呢点可以改善下帮我哋落单个侍应可能系第一日返工表现得非常战战兢兢😂亦因为咁佢做嘢好小心落完单之后会同我哋对单不过当我同佢讲想食门口𠮶个吉列猪扒餐蛋饭嘅时候佢就显得有啲懵懂😂问返我系唔系快餐我话唔系呀系$35𠮶一个饭餐🤣老公就拣咗焗猪扒意粉食物等咗10至12分钟就有得食先讲下食物嘅温度真系非常之热不过除咗温度之外似乎其他嘢都可以改善我个吉列猪扒好明显炸嘅时间耐得滞已经系偏黑色伴碟𠮶堆椰菜味道好好但系唔知点解望落又系霉霉黑黑咁样至于老公个焗猪扒意粉可以话系唔好食个汁完全冇味意粉煮得太冧 可以话系接近烂嘅程度同埋个意粉一上枱唔知点解有阵胶味☹️同埋唔似系焗嘅意粉 太湿喇似系会意粉多啲我哋两个都系饮Coke Zero但系罐可乐唔够冻😢老公忍唔住要叫个冰底不过佢冰底唔使加钱所以就打和啦有啲观察都想分享下一路食一路听有个侍应妹妹同厨房大哥透过
于是我就提议带佢去龙门居食晚饭兼扫街
行咗一个圈之后
我同老公都决定要试吓龙门冰室元祖店
佢个餐牌都几多嘢食亦都好多元化
有好多版所以我都冇影晒出嚟
门口痴咗张纸系比较平嘅快餐选择
喺门口我已经相中左个吉列猪扒餐蛋饭
但系入到店面就唔见有呢个手写餐牌
呢点可以改善下
帮我哋落单个侍应可能系第一日返工
表现得非常战战兢兢😂
亦因为咁佢做嘢好小心
落完单之后会同我哋对单
不过当我同佢讲想食门口𠮶个吉列猪扒餐蛋饭嘅时候
佢就显得有啲懵懂😂
问返我系唔系快餐
我话唔系呀系$35𠮶一个饭餐🤣
老公就拣咗焗猪扒意粉
食物等咗10至12分钟就有得食
先讲下食物嘅温度真系非常之热
不过除咗温度之外似乎其他嘢都可以改善
我个吉列猪扒好明显炸嘅时间耐得滞
已经系偏黑色
伴碟𠮶堆椰菜味道好好
但系唔知点解望落又系霉霉黑黑咁样
至于老公个焗猪扒意粉
可以话系唔好食
个汁完全冇味
意粉煮得太冧 可以话系接近烂嘅程度
同埋个意粉一上枱唔知点解有阵胶味☹️
同埋唔似系焗嘅意粉 太湿喇
似系会意粉多啲
我哋两个都系饮Coke Zero
但系罐可乐唔够冻😢
老公忍唔住要叫个冰底
不过佢冰底唔使加钱
所以就打和啦
有啲观察都想分享下
一路食一路听有个侍应妹妹同厨房大哥透过出菜𠮶个窗口仔有讲有笑
厨房大哥会好开心好大声咁样喺个窗口仔度伸个头出嚟
系接近嗌返出嚟咁同个侍应妹妹对话
成个气氛好欢乐
不过厨房大哥系拉低左口罩咁样同个侍应倾计同埋喊话😅😅😅
希望佢煮饭𠮶阵有戴好个口罩
价钱合理服务尚可
不过就真系讲唔上好食啦😕
张贴
