影片
更多
2017-03-16
955 浏览
小姓赵，有时行过老赵，朋友都会讲笑问系咪你开，不过佢哋个个都话又贵又难食，拉住我唔俾去。但系可能同姓三分亲，成日都心郁郁想试，今日就趁一支公去试下。入面人头涌涌，不过细心d睇，见有好几个人，眼神因肚饿而带空洞，又因赶时间而显焦虑；坐低，我对面𠮶个等到吽咗，隔离台𠮶个等到躁咗 ... 咁嘅情况，唯有叫碗睇落最简单嘅生牛肉河粉，好在都唔使点等。食落其实ok，牛肉份量唔少，有4、5大片，汤都够味，唔会太淡。而最得我心嘅系𠮶大旧萝卜，索哂d汤汁，好淋好入味。综合嚟讲，都系一碗合格嘅生牛肉河。见隔离台有问店员攞配料 (一碟仔青柠、辣椒等)，不过我见佢哋忙到就嚟趴喺到，同埋都食咗大半，就冇问喇。价钱嚟讲就真系唔平，呢碗粉系午餐，$52+$3冻柠茶，呢个价钱喺呢头可以食得好丰富㗎喇，不过食物 (净系就呢碗牛河而论) 都ok嘅，有机会可能会再嚟试下第二d嘢！
入面人头涌涌，不过细心d睇，见有好几个人，眼神因肚饿而带空洞，又因赶时间而显焦虑；坐低，我对面𠮶个等到吽咗，隔离台𠮶个等到躁咗 ... 咁嘅情况，唯有叫碗睇落最简单嘅生牛肉河粉，好在都唔使点等。
食落其实ok，牛肉份量唔少，有4、5大片，汤都够味，唔会太淡。而最得我心嘅系𠮶大旧萝卜，索哂d汤汁，好淋好入味。综合嚟讲，都系一碗合格嘅生牛肉河。
见隔离台有问店员攞配料 (一碟仔青柠、辣椒等)，不过我见佢哋忙到就嚟趴喺到，同埋都食咗大半，就冇问喇。价钱嚟讲就真系唔平，呢碗粉系午餐，$52+$3冻柠茶，呢个价钱喺呢头可以食得好丰富㗎喇，不过食物 (净系就呢碗牛河而论) 都ok嘅，有机会可能会再嚟试下第二d嘢！
张贴
