德利潮州菜館

营业中

休息中

耐唔耐就会想食蚝饼，随便睇吓外卖平台外卖自取有边间潮州菜喺附近。呢间德利之前系未食过嘅，好自然又上嚟OpenRice睇吓啲食评啦，评语好似麻麻哋咁，不过我费事再揾啦，咁又照试吓啦。点左一个蚝饼再加胡椒猪肚汤，大约15分钟就有得攞。我早咗少少去，期间见到都唔少人攞外卖。职员见到我好有礼貌咁问我叫咗啲乜嘢，要稍等一阵间，之后啲嘢食有得攞，佢哋都好有礼貌㖞。返到屋企先至发现原来每个小菜系跟一个白饭嘅，所以我呢个order有两大碗白饭，我食唔晒，下次要记得叫佢走白饭 😅。两个𩠌都几好食，一般潮州菜应有嘅水准，份量亦都好足，蚝饼啖啖都有蚝肉，至于胡椒猪肚汤亦好足料，唔止有猪肚仲有粉肠，味道都ok, 系略略咸咗少少🤏外卖平台自取有八折，折咗之后$122，其实好抵食，因为其他潮州菜馆净系个蚝饼都要$80-$90，佢仲要送个饭㖞…都应该可以话大件夹抵食。