蝦豬餅

营业中

休息中

今日一家人去大澳行下，一心谂住入黎买虾酱，咁行下行下见到呢间叫张财记嘅，门口又有好多报纸报导话呢间出名，连稣丝黄都介绍过，跟住就见到舖头有一个档口仔，卖梗一样叫'虾猪饼'嘅小食，咁闻到有好香虾酱味所以就决定买个黎试下，25蚊一件。佢系即场去烧块油稣饼，之后再放d用虾酱煮过嘅肉碎落去再加少少生菜丝咁卷埋。咁因为佢系即叫即烧块油稣饼，所以等嘅时间会耐少少，不过佢比嘅肉碎相对黎讲就比较少啦，不过就真系几香口，可能因为佢系用淡口嘅虾酱所以唔会好咸，味道就刚刚好，不过师奶嘅我会谂25蚊黎讲好似有少少贵。另外就系佢系由一位后生男店员去负责整嘅，唔知系咪因为星期六太多客做到有d攰，所以见到佢都几黑面同埋好似好唔想整咁....不过试一次好了。