影片
更多
2008-06-11
49 浏览
** 此 食 肆 的 第 三 个 OK **寻晚(10-6-2008 Tue)晚,全家人探完入院o既妈妈o黎一餐晚饭,又咁o岩系姪女o既生日,由佢决定食咩啦.佢答想锯扖,大嫂就决定o黎歌德.8点左右到o黎,唔多人,但有烟味.我o地7个人左谂右谂,要o左6个餐.爸好少食西餐,又怕佢唔够饱,于是为佢拣o左个B餐有猪扖,牛肋骨,青鱼.饮忌廉汤.而我要o左个比目鱼.由于冇乜心情,唔多理佢o地叫咩餐喇.先o黎三个汤三个蒜蓉包,原来佢o地叫o左两个忌廉汤,四个罗宋汤,但饮罗宋汤o既人唔多,搅咩?爸一向唔太好酸o野,所以一定要畀忌廉汤佢,大嫂饮一淡罗宋汤话辣,于是我同佢对调,我饮落又冇o野啊,都唔辣,只系酸酸地.但蒜蓉包就唔系好掂,又冻又淰.之后另外三个汤都到o黎,侍应话欠三个包迟啲到.然后有5个什菜沙律,其实我畀家人搅到乱晒,究竟叫o左几多个餐?点解好似有啲o野唔够咁.什菜几新鲜,而且自己加沙律汁.之后,晚餐都逐一o黎到,原来个个都系铁板餐,有一只焗带子,而最肚饿o既爸爸个餐竟然重未到,我o地催一催个侍应,侍应转头返o黎话我o地知整o紧,好快.我先畀啲比目鱼爸爸,而二嫂都畀啲意粉佢.比目鱼份量唔太
寻晚(10-6-2008 Tue)晚,全家人探完入院o既妈妈o黎一餐晚饭,又咁o岩系姪女o既生日,由佢决定食咩啦.佢答想锯扖,大嫂就决定o黎歌德.
8点左右到o黎,唔多人,但有烟味.我o地7个人左谂右谂,要o左6个餐.爸好少食西餐,又怕佢唔够饱,于是为佢拣o左个B餐有猪扖,牛肋骨,青鱼.饮忌廉汤.
而我要o左个比目鱼.由于冇乜心情,唔多理佢o地叫咩餐喇.
先o黎三个汤三个蒜蓉包,原来佢o地叫o左两个忌廉汤,四个罗宋汤,但饮罗宋汤o既人唔多,搅咩?爸一向唔太好酸o野,所以一定要畀忌廉汤佢,大嫂饮一淡罗宋汤话辣,于是我同佢对调,我饮落又冇o野啊,都唔辣,只系酸酸地.但蒜蓉包就唔系好掂,又冻又淰.
之后另外三个汤都到o黎,侍应话欠三个包迟啲到.
然后有5个什菜沙律,其实我畀家人搅到乱晒,究竟叫o左几多个餐?点解好似有啲o野唔够咁.什菜几新鲜,而且自己加沙律汁.
之后,晚餐都逐一o黎到,原来个个都系铁板餐,有一只焗带子,而最肚饿o既爸爸个餐竟然重未到,我o地催一催个侍应,侍应转头返o黎话我o地知整o紧,好快.
我先畀啲比目鱼爸爸,而二嫂都畀啲意粉佢.比目鱼份量唔太少,味道都OK.但什菜薯饼唔多得,又散,味道又怪怪咁
好耐,爸爸o既餐都到o黎,原来佢呢个唔系铁板餐,不过我臭到几香,爸见到话食唔晒,分啲畀二哥佢o地食,佢食o左成件鱼,话好’鞋’,牛肋骨都有两件,佢食o左一件细o既,猪扖都几大块,我帮佢将半件切成粒,另一半就交畀二嫂佢o地消灭.我都试一件,好腍㖞,而且似系烧猪扖,好惹味.
除此之外,姪女叫o左洋葱圈,有两个酱畀我o地蘸, 洋葱圈炸都黑黑实实咁.我都试吓,唔蘸酱先,咦?!咁似油炸鬼o既?大嫂话粉厚啰.之后蘸白色o既沙律酱,咦?!唔系沙律酱o黎o既?系滑滑o既奶油,一般.之后蘸千岛汁,咁就正常喇.
最后送上系铁板餐至有o既餐饮同甜品.甜品系蜜瓜布甸,由于系冻o野,爸爸唔食,所以我o地食o左,一般的.
埋单$569.00.
服务:
整体上OK,爸爸要热水佢o地亦会记得.
而我o地走o左过o左马路,有个似高级侍应追上o黎,问我o地系咪漏o左把扇,啊,原来系爸爸漏低.佢真系好好人,为不值一文o既物件跑楼梯追到o黎,真系唔错.
环境:
呢o度真系重畀人吸烟,有一枱3个人o既客吸烟.
一直播放住英文歌,一路臭住淡淡o既烟味,此情此景令我觉得好熟悉.
其他:
枱上早已摆o左细碟,方便客人如想share食物就可以用,唔错.
呢日几矛盾,姪女生日,但妈妈又再度入院.
张贴