大圍合發雞粥 (已結業)

大围附近想食啲地踎味浓嘅港式小炒，呢间系其中之一。无论门面定室内装潢，四只字：其貌不扬。然而，味道系正常，某啲𩠌菜有惊喜。讲到呢度，脑海浮现筿田步美，外表虽然唔吸引，但副偈真心一级棒👍🏾。惊喜嘅，例如：$138一窝嘅蚝仔肉碎粥，够4人食。食蚝仔粥，最惊咸得制，但合发就啱啱好，加上蚝仔份量好足料，都几满意。😋正常嘅，例如：$90红烧斑腩煲，有生菜底、烧肉、豆腐作陪衬。勉强要讲，油咗啲啰，但食呢类𩠌菜，好正常。$100椒盐鲜鱿就要扣啲啲分，几乎冇椒盐味，要靠点汁提味，而且份量不足，唔多抵食，#cp值低。🙅🏾‍♂️打到结尾，觉得用筿田做比喻，好似过誉咗，算啦。