影片
更多
2008-07-14
13 浏览
朋友知我系甜品狂，话CPK嘅朱古力香蕉蛋糕好正，斋听个名真系唔觉得有咩咁特别，但既为招牌甜品，一定要试！以前都嚟过食Pizza，都已经觉得唔错，所以，依次专灯走嚟，食Pizza外，个朱古力香蕉蛋糕梗要点！甜品梗留番临尾食，先嚟个小食先，打开个餐牌往头盘栏瞄一瞄，见有个特色焗春卷，有地中海风味，又有墨西哥风味同泰国风味，都几得意，一于试试先！任拣2款$58，要晒3款$78，因为得两个人，都怕食唔晒，所以叫2款：地中海同墨西哥风味！地中海嘅馅料有磨菇、茄子、浓香嘅芝士，配搭蕃茄酱，感觉好意大利风味至真；而墨西哥嘅馅料有鸡肉、豆蓉、芝士，食落去一阵阵辣味，配搭牛油果酱，感觉真系几特别！春卷皮睇番个餐牌至知系墨西哥薄饼皮，焗完几香脆，值得一试！Pizza要咗个鲜芒果烤鸡肉薄饼，想食得清新D。顾名思义，有鲜芒果、有烤鸡肉，食落又系辣辣哋，但又一朕朕芒果香甜味，原来加咗D芒果辣椒酱，醒神醒胃啦！嚟到尾声，系今晚主角出场，朱古力香蕉蛋糕，讲真，卖相无咩特别，装饰都欠奉，同普通朱古力香蕉蛋糕无分别，不过，食落口就知味道喇！底层同上层系一贯美式嘅朱古力蛋糕，即系好浓朱古力味，质感较实净嘅蛋糕，中间白色嘅
甜品梗留番临尾食，先嚟个小食先，打开个餐牌往头盘栏瞄一瞄，见有个特色焗春卷，有地中海风味，又有墨西哥风味同泰国风味，都几得意，一于试试先！任拣2款$58，要晒3款$78，因为得两个人，都怕食唔晒，所以叫2款：地中海同墨西哥风味！地中海嘅馅料有磨菇、茄子、浓香嘅芝士，配搭蕃茄酱，感觉好意大利风味至真；而墨西哥嘅馅料有鸡肉、豆蓉、芝士，食落去一阵阵辣味，配搭牛油果酱，感觉真系几特别！春卷皮睇番个餐牌至知系墨西哥薄饼皮，焗完几香脆，值得一试！
Pizza要咗个鲜芒果烤鸡肉薄饼，想食得清新D。顾名思义，有鲜芒果、有烤鸡肉，食落又系辣辣哋，但又一朕朕芒果香甜味，原来加咗D芒果辣椒酱，醒神醒胃啦！
嚟到尾声，系今晚主角出场，朱古力香蕉蛋糕，讲真，卖相无咩特别，装饰都欠奉，同普通朱古力香蕉蛋糕无分别，不过，食落口就知味道喇！底层同上层系一贯美式嘅朱古力蛋糕，即系好浓朱古力味，质感较实净嘅蛋糕，中间白色嘅就系香蕉忌廉，香蕉味劲香劲浓，再面面有一层薄薄嘅朱古力慕丝之后，先到朱古力饼面！黑朱古力嘅甜蜜魔力，香蕉嘅浓香，无得顶呀！
最后，个Pizza果然食唔晒，望望海，对住维港，百零蚊，食咗三样好嘢，仲要又食又拎，感觉真好！
张贴
