北京老家 (已搬遷) 新店位置

圣诞后，放多一日假陪下阿女行下街。阿女劲钟意小笼包，所以拣北京菜同佢食。入到餐厅，阿女好喜欢个环境，平时好少见咁有中国特色既餐厅，佢仲扭住要影相，又见到枱中有两条小鱼游来游去，对小朋友黎讲真系好惊喜。看看午餐餐牌，有好多选择，而价钱一d都贵，全部都系$60留下，叫左糖醋排骨同小笼包，仲想叫多一款，被阿女阻止左。上菜都快，先有例汤（菜干汤），阿女好喜欢，因为汤既味道系佢读幼稚园全日校时，学校厨娘煲既味道。我就对个汤无特别感觉。有一款青瓜小吃，青瓜好爽口，味道较重蒜味，我喜欢！糖醋排骨个甜酸度系啱啱好，阿女仲用d汁捞饭，可惜有小部分既肉比较”un”。而小笼包，size偏大，夹上去唔会散，多汁多肉，美中不足是皮唔够薄。最后送左碗绿豆糖水，呢个就真系no，好淡好稀又无绿豆味。好彩无叫多一个餐，两个餐已经够哂两母女食。同阿女又食左个好开心既午餐，食物系ok，但环境系仲正d。