香港郵意明信片航海主題咖啡廳 (已搬遷) 新店位置

同朋友聚会，佢话湾仔有一间以明信片为主题嘅一间餐厅，喺香港来讲呢个主题非常特别，所以我哋急不及待去探索呢间邮意明信片航海主题咖啡厅。餐厅位于安乐里，系一条小巷里面，所以可能比较难揾。不过入面嘅环境真系令我大开眼界，入面有一个corner放置各类嘅明信片，亦有好多小物，女仔嚟到一定唔愿走。😂😂我最钟意挂喺场边嘅一幅地图嘅布，系我梦寐以求嘅一个挂饰。你间餐厅有几个特别之处。第一，顾客要去到吧枱落单。第二，食完嘅碗碟要自己攞返去吧枱。我同朋友分别叫咗卡邦尼阔条面同黑松露带子阔条面。两款面嘅软硬程度啱啱好，偏硬但不是唔熟嘅程度，卡邦民阔条面亦好creamy非常浓郁。至于黑松露带子阔条面，黑松露本身香味浓郁，加埋忌廉汁，味道更加香，再加上带子嘅鲜甜，味道更变得丰富。我哋亦都叫咗芝士糯米酿无骨鸡翼，佢真系必食之选，味道有少少辣， 口感非常特别，第一啖尝到香脆嘅鸡翼皮同炸到脆卜卜嘅糯米，第二啖尝到香喷喷嘅糯米。卖相亦都唔错。朋友叫咗杯拿铁，啲拉花好靓我就叫咗杯青苹果梳打，青苹果味好香。最开心嘅系由于消费满＄350 ,餐厅会送一份朱古力心太软，朱古力皮蛋味好香，亦唔会太厚，食上去非常软绵。朱古力酱甜味