影片
更多
2020-04-19
1034 浏览
2020年4月15日 星期三难得今日系放假，所以就出去做左一阵运动，舒展下筋骨，再行去买野食喺兴华商场见到呢一间茶餐厅，觉得都有好一排冇食过茶记，就行近啲睇吓有咩好食见到写住每日都有唔同嘅老火汤，又好似几吸引再睇埋餐牌，有午市套餐，送埋汤同埋饮品都不过系50几蚊，呢个环境之下都冇加价叫完野食谂住外卖拎返屋企食，所以唯有喺舖头门口等，等待期间见到一盘盘唔同嘅面包出炉，全部都金黄色，散发嘅香味令到我忍唔住买返去分享俾屋企人品尝我分别要咗几款面包，最香嘅莫过于鸡尾包同奶黄墨西哥包，因为系新鲜出炉，个包仲系胀卜卜咁。返到屋企我再食左鸡批，里面好足料，真系有鸡肉同其他馅料至于我嘅午市套餐就要左姜葱豆豉鸡饭，见到饭同𩠌菜嘅份量都唔少，豆豉鸡切到细细旧，食落去唔算太多骨，调味好足够，够晒惹味之余又唔会太过口渴另外仲叫咗杯红豆冰，由于太耐冇饮，所以心思思好想试吓，见到红豆差唔多占咗成杯嘅三分之一，而且每粒都好饱满，食落去唔会太甜，如果可以少番啲冰就更加好另外仲要咗个咸牛肉菠萝包，因为之前完全未见过，所以想试吓一齐食嘅感觉系点，咬落去除咗食到菠萝包嘅松化之外，仲食到咸牛肉嘅咸香味，口感非常之丰富我知道食
难得今日系放假，所以就出去做左一阵运动，舒展下筋骨，再行去买野食
喺兴华商场见到呢一间茶餐厅，觉得都有好一排冇食过茶记，就行近啲睇吓有咩好食
见到写住每日都有唔同嘅老火汤，又好似几吸引
再睇埋餐牌，有午市套餐，送埋汤同埋饮品都不过系50几蚊，呢个环境之下都冇加价
叫完野食谂住外卖拎返屋企食，所以唯有喺舖头门口等，等待期间见到一盘盘唔同嘅面包出炉，全部都金黄色，散发嘅香味令到我忍唔住买返去分享俾屋企人品尝
我分别要咗几款面包，最香嘅莫过于鸡尾包同奶黄墨西哥包，因为系新鲜出炉，个包仲系胀卜卜咁。返到屋企我再食左鸡批，里面好足料，真系有鸡肉同其他馅料
至于我嘅午市套餐就要左姜葱豆豉鸡饭，见到饭同𩠌菜嘅份量都唔少，豆豉鸡切到细细旧，食落去唔算太多骨，调味好足够，够晒惹味之余又唔会太过口渴
另外仲叫咗杯红豆冰，由于太耐冇饮，所以心思思好想试吓，见到红豆差唔多占咗成杯嘅三分之一，而且每粒都好饱满，食落去唔会太甜，如果可以少番啲冰就更加好
另外仲要咗个咸牛肉菠萝包，因为之前完全未见过，所以想试吓一齐食嘅感觉系点，咬落去除咗食到菠萝包嘅松化之外，仲食到咸牛肉嘅咸香味，口感非常之丰富
我知道食完呢餐之后又要唔知做返几多运动先可以消化到，不过真系食得好满足
张贴
