味苑 (已結業)

我平时唔写食评，不过今次真系要写，个app load唔到几次，而我要重打几次都要写。我哋有3个人，入面好多细空枱，但佢竟然安排我哋坐楼梯底。帮我哋落菜嘅男员工(应该系经理)态度极差，都唔想答我哋。同佢讲唔好落菇类，佢就话个𩠌不嬲都冇菇。大佬，提你唔好落，你只需要回答：「系，呢个冇菇嘅」就可以了。真系想兜巴星佢。百几蚊一碟淮山云耳炒百合，竟然可以咁细碟。如果佢系做高级嘢，唔该摆靓啲啲𩠌。摆得唔靓都算，伴碟沙律菜系霉嘅，霉到黑同一pat pat咁。云耳4片左右，百合可能数埋得十几片非常非常细细片。我要淮山云耳炒百合，佢用好多切到细细粒嘅bell peppers炒埋一齐，放在碟底，令到盘野睇落可能大碟啲(但都好细碟)。睇图就知啲沙律菜唔食得。第二碟系士多啤梨骨。啲伴碟菜一样是黑边的。第三碟脆皮猪手。呢碟比较好，但我哋一早就问咗佢系唔系真系脆，男员工完全在应与唔应之间(即是有点反白眼、有应好似冇应咁轻微点头)，但系碟猪手黎到净系有一点点点脆。结论系唔会再入黎第二次。coupon唔洗俾我哋喇，多谢。佢哋嘅态度决定咗佢哋嘅。。。食完3百几落楼都唔知食咗啲乜。