南小館 (青衣城2) (已結業)

之前食過葵芳果間印象不錯，見唔洗排隊就入左去醫肚。食物質素差左。店員素質亦有待加強， 冇禮貌，態度差，十問九唔應。咁多劣評唔係冇原因，真係好難令人番轉頭🙄。紅燒乳鴿💰💲29皮炸得唔夠脆，偏油。肉質榎歰歰，小失望，真係一分錢一分貨。醬爆腰果雞丁💰💲78雞粒好似白烚咁，冇鑊氣，再沾上甜甜酸酸既醬，感覺唔太夾。好彩腰果仲係脆口既😑。鮮肉小籠包💰💲45外皮小厚唔夠薄身。豬肉餡料分量適中、軟腍，湯汁多尚算鮮味。招牌炒飯💰💲88用左蝦醬、豆瓣醬炒成，味道偏濃，餡料唔多，普普通通。