影片
更多
2024-02-17
298 浏览
寻晚冇 book 枱，直接 Walk in 入去食，侍应带咗我哋坐之后就冇理过我哋， 连餐牌都冇俾要自己去隔离啲吉枱度拎。落完单之后等咗接近 30 分钟都未有嘢食，连汤底都未上，跟住上汤底又上错！同个侍应讲之后隔咗好耐都未换返个汤底，第一个话入厨房跟，之后隔咗好耐都未有，跟住第二个走过来又问我哋要乜嘢汤底，答完佢之后，转个头又有另一个侍应走埋嚟话依家即刻帮我哋跟，冇耐又有第四个侍应走埋嚟问我哋乜嘢汤底，真系超级躁底啰！我哋已经写晒纸落单唔睇就走去问，最过份系啲侍应走埋嚟问完之后，我哋睇住佢行到出走廊同人讲完两句嘢之后就唔记得咗... 几个侍应喺部点餐机嘅前面围埋喺度倾偈唔知做乜... 之后我哋啲海鲜上晒枱，个锅底都仲要等咗一阵先至上到枱...其实食嘢嘅途中，发现隔篱枱又坏电磁炉... 侍应啲态度又麻麻地，后面枱都有吹佢哋几时有嘢食... 咁即系根本就系间餐厅啲人有问题！ 我哋途中加咗一碟牛小排... 都要三催四请先至上菜，摆明啲侍应就唔记得咗... 我哋食嘢途中隔篱枱埋单， 个侍应先至话冇得用信用卡俾钱，因为坏机... 其实我觉得如果好啲嘅餐厅应该入座之前要同啲客讲，而家边有啲食肆仲要
其实食嘢嘅途中，发现隔篱枱又坏电磁炉... 侍应啲态度又麻麻地，后面枱都有吹佢哋几时有嘢食... 咁即系根本就系间餐厅啲人有问题！ 我哋途中加咗一碟牛小排... 都要三催四请先至上菜，摆明啲侍应就唔记得咗...
我哋食嘢途中隔篱枱埋单， 个侍应先至话冇得用信用卡俾钱，因为坏机... 其实我觉得如果好啲嘅餐厅应该入座之前要同啲客讲，而家边有啲食肆仲要只收现金，你估个个都带咁多 cash 出街咩？ 呢样都算... 隔篱枱埋单嘅时候啲侍应竟然唔知道枱号... 话太远睇唔清楚枱号仲要问返个客... 呢样嘢就真系搞笑啰！
到我埋单嘅时候， 张单系 $588... 我哋俾咗 $600 个侍应问我哋有冇多两蚊齐头找返俾我哋， 但其实佢计错数系要问我哋拎 $8 啰... 咁简单嘅数都可以计错... 之后返到屋企我再认真睇张单，发现张单初头系落错晒啲嘢，所以导致我哋咁耐都未有嘢食... 而且我哋两个人系饮可乐 / 零系可乐... 而根本冇饮乌龙茶... 结果佢哋收多咗我哋$3 ，不过呢样算啦，只怪我埋单嘅时候冇睇清楚... 公道啲讲句，食物质素系几好嘅，但系服务质素真系极差... 我自己本人喺深水埗分店食过觉得唔错，所以今次先会选择去其他分店去食，结果竟然有咁嘅用餐体验... 其实成间餐厅都唔系坐满晒客，而且有足够嘅侍应嘅情况下都可以做到咁嘅质素真系令人彻底失望...
为咗证实我以上讲嘅嘢嘅真实性，所以附上用餐收据。
张贴
