Pheromone Dessert (已結業)

为左阻止大家中伏而写第一篇食评。大家如果去开呢头食甜品，周围冇位都唔好乱入呢间野 长话短说，真系得个睇字，装修都几令，但野食唔太得。一行四人其实都食饱饭，只系想吹多阵水先揾甜品食，Hesheeat太多人等，去左呢间食。(本身朋友话想食Hesheeat我唔知系咪行内舖头都要每人最少叫一样野，我入果时有留意，坐低先知要计人头落单⋯饱死都要叫4样野曲奇雪糕无曲奇味，炖蛋其实我以前冇点食过，但呢个口感似硬身既mousse。冇朱古力味，朋友话食到水味。大boss系呢个一口酥，我打呢篇野之前都睇其他人既食评，我再补充下，酥皮系酒楼d海鲜卷既皮  ，好大阵油"益"味，外皮微温。四人一放入口都你眼望我眼，似中式食品多过甜品，同埋d皮甩甩地，包得唔好。仲有一个心太软，我又系平时好少食，朋友话食开系外面脆脆地，呢个系软身d，配既3.6牛奶雪糕又系硬，冇奶味，比曲奇雪糕更差。 题外话，d黄色点点我觉得似罗拔臣哩喱粉开出嚟，唔知芒果雪花冰上面d芒果汁系咪呢d⋯总结:冇下次。