happylemon

营业中

休息中

今日特登谂住走过嚟饮happy Lemon，点知见到个门面唔同咗，以为系转咗手，原来只系改咗名。之后嗌咗一杯珍珠奶茶大杯$28，攞到上手成个杯咁大得两层嘅珍珠！饮极都饮唔到有珍珠，使唔使咁孤寒呢！之后佢做紧推广，5月6号至5月9号推广，买正价饮品会有加$20有水果茶。但系我唔明白点解会冇得少甜啰。有冇得少甜都唔紧要，问题系我觉得店员嘅态度感觉唔良好。而且一间咁细间嘅舖头有三个职员喺度，斟完杯嘢饮俾我之后就继续大家围住一部手机喺台面度睇电视。因为佢门面设计𠮶张枱低咗嘅缘故，所以睇得好清楚入边做紧啲乜嘢。我觉得作为顾客感觉上好唔专业。只可以话下次唔会特登走过嚟买，附近仲有好多选择。