杜記茶餐廳

营业中

休息中

呢间杜记，我见无论上网同朋友间都冇乜人提，同佢的店舖位置一样咁隐蔽。咁又系，依家世代一般人写食评都唔会拣间荼记嚟写啦。我反而相反，因为系香港由细食到大，眼见香港水吧由师傅转做阿姐冲奶荼，干抄牛河由色香味俱全变成豉油老抽颜色唔协调，河粉痴镬变浆糊。老早已将荼记等同劣食或者颓饭充饥挂勾。不过呢间杜记，我觉得系上水之中算最好食的荼记之一。我食过佢的南乳鸡扒同腐乳猪扒饭，初头都谂，吓腐乳夹猪扒？夹唔夹架，食落又出奇咁夹。我谂系其他荼餐厅应该好少可以食到呢个饭，个人认为腐乳猪扒比南乳鸡扒好食，佢中午仲有羊腩饭，新年又会有盘菜饭，荼记之中都算有自已的特色，而且价钱45-60蚊不等。所以比个好评。