影片
更多
2019-12-14
1523 浏览
之前用外卖app买过琦兴嘅茶餐都ok，外卖自取时顺便问下胡须老板，西九龙中心附近送唔送外卖㗎，佢话送！咁就得喇👌，因为我谂住请同事食下午茶，想试下新嘢，又见唔系贵，平均$3x内一个搞掂，我哋叫咗大约17份茶餐，只系承惠$590咋。其实请同事试新野，真系有啲压力，惊唔好食🙈，好彩无伏，评价仲几好！有人叫焗饭、炒粉𠮶啲，下午茶餐size但无特别细，佢哋都话味道ok。而作为食肉兽，我就梗系唔会放过炸髀啦🍗，有啲同事本身都想嗌，但上网见相好似唔系好吸引㖞哈哈。后来佢哋发现走宝了🤣。生炸巨型鸡髀🍗($35)，奉送红豆冰／菠萝冰，话明特别推介，真系无做坏招牌！同事拎比我时已经闻到好香，仲发现原来连个餐盒都特别大个！当然打开后，只鸡髀都真系无呃人，系超巨型㗎，大块过我块面。我仲特登影咗对比图，显示佢有几大只XD，等其他人睇到我嘅食评可以作客观参考😂。炸髀送到嚟都仲算热辣辣，香喷喷，炸皮脆脆的，无见到好明显好油算系咁啦。味道方面，🐔鸡髀够哂味，咸咸哋，唔止得个皮有味。我最担心系咁大只鸡髀，入面炸唔熟，血淋淋，要切咗一忽去。但呢只真系全熟👍，抵赞，满分推介😋。如果加$5就可以配埋薯条或沙律，但斋食只髀已
之前用外卖app买过琦兴嘅茶餐都ok，外卖自取时顺便问下胡须老板，西九龙中心附近送唔送外卖㗎，佢话送！咁就得喇👌，因为我谂住请同事食下午茶，想试下新嘢，又见唔系贵，平均$3x内一个搞掂，我哋叫咗大约17份茶餐，只系承惠$590咋。
其实请同事试新野，真系有啲压力，惊唔好食🙈，好彩无伏，评价仲几好！有人叫焗饭、炒粉𠮶啲，下午茶餐size但无特别细，佢哋都话味道ok。而作为食肉兽，我就梗系唔会放过炸髀啦🍗，有啲同事本身都想嗌，但上网见相好似唔系好吸引㖞哈哈。后来佢哋发现走宝了🤣。
生炸巨型鸡髀
$35
48 浏览
0 赞好
0 留言
生炸巨型鸡髀🍗($35)，奉送红豆冰／菠萝冰，话明特别推介，真系无做坏招牌！同事拎比我时已经闻到好香，仲发现原来连个餐盒都特别大个！当然打开后，只鸡髀都真系无呃人，系超巨型㗎，大块过我块面。我仲特登影咗对比图，显示佢有几大只XD，等其他人睇到我嘅食评可以作客观参考😂。
生炸巨型鸡髀
$35
59 浏览
0 赞好
0 留言
炸髀送到嚟都仲算热辣辣，香喷喷，炸皮脆脆的，无见到好明显好油算系咁啦。味道方面，🐔鸡髀够哂味，咸咸哋，唔止得个皮有味。我最担心系咁大只鸡髀，入面炸唔熟，血淋淋，要切咗一忽去。但呢只真系全熟👍，抵赞，满分推介😋。如果加$5就可以配埋薯条或沙律，但斋食只髀已经好饱，我切咗一大忽鸡髀比同事都仲觉得好够食。而跟餐嘅菠萝冰都ok，味道正常，饮完打开盖发理菠萝粒🍍占咗半杯，份量好慷慨。
潮洲三宝面
$38
47 浏览
0 赞好
0 留言
隔离位要咗潮州粉面餐(A类)嘅三宝幼面，多腩汁，即系包括牛腩、云吞、牛丸。餐厅有将面同汤分开👍。面质几弹牙，无变到一饼饼，无枧水味，而个汤亦唔味精。至于啲𩠌，牛腩都几大嚿，有筋有腩；云吞同牛丸就各一粒，云呑相对一般，系有只虾🍤，但整体比较实；牛丸就系一粒普通牛丸，无乜特别。碗面都算好食，但比起其他面舖贵，茶餐来说性价比唔高。
常餐
$33
45 浏览
0 赞好
0 留言
另外，顺便介绍埋我前日食嘅𠮶个外卖常餐，只系$33(+$1外卖)。我要咗沙嗲牛肉通粉，呢个都几好食，特别系啲🐮牛肉几靓，每片都唔系肥膏，份量亦唔少。通粉夹埋沙嗲汤几惹味，但食到尾有啲油。另外，个餐仲有牛油方包+火腿奄列，后者正正常常，煎得唔错，但个方包🍞就真系寡咗啲，牛油又少，包又唔够淋，麻麻地。不过我本身对方包都无咩期望，是但。常餐质素嚟讲，算好好，而且好抵食。
因为我去过餐厅自取外卖，所以见到环境都四四正正，有啲装修，用上香港茶记特色做主题，几唔错。而餐厅老板同店员都有礼貌，加上今次外卖订单有咁多份都无落错到😌。
总括嚟讲，呢间街坊茶记几高质👍。位置其实就近南昌多啲，但好彩比我发现到。食物质素好，定价平，剩系只生炸鸡髀就足够令我回头啦！
张贴
