龍門樓 - 志蓮素齋

营业中

休息中

今日一行6人＋一个bb入去呢间拍紧乌绳食店食下午茶，行到门口比人截住，话而家得下午茶，得D糕点同饮品，冇问题吖，我哋4点几去都系食下午茶㗎啦。坐底一阵又走埋嚟话呢样冇果样又冇乜乜物物，下午茶餐牌已经选择不多，仲要有最低消费，我哋都冇问题。大家谂好晒叫乜嘅时候，我就攞出为bb准备好嘅苹果比佢食，点知又有人走埋嚟，同我讲佢哋唔比人食外来食物！bb食物都唔得？亏佢好爽快咁答得出：系！我哋唔欢迎外来食物！乜料？第一次去D咁嘅餐厅！唔该你个餐牌冇bb食物供应，下午茶时间又唔比bb喺度食苹果，叫bb食乜？D咁嘅餐厅真系好过份。我哋即刻起身走人，差在未拍枱！行多2步去隔离间cafe好过！人哋又冇最低消费，又经济，又比我bb食苹果，重点系一入去已经见到差不多坐无虚席，绝对明白点解呢间cafe仔都受欢迎过你呢间冇人性嘅食店。