鳳城酒家

营业中

休息中

好耐都未嚟过凤城酒楼食点心，今日晨运后经过凤城酒楼，两个人上去饮早茶，早茶特价时间只要11点前落单就可以，冇规定几多点离座。特价时段大点$30 ，中点$23 ，小点$20。两个人唔敢叫太多，只系叫咗三碟，因为佢的点心都几大件。嗌咗个山竹牛肉，好多腐竹，牛肉嘅口感唔错，又叫咗个虾米煎肠粉，煎得好香脆，加埋啲甜酱麻酱甜豉油，又多虾米有多葱，对煎肠粉非常之满意。只糯米鸡真系超大只，仲有大大只虾、叉烧、猪肉、腊肠在里面，几juicy，啲糯米唔会蒸到淋啤啤，传统又好食。