影片
更多
2015-12-15
1127 浏览
去咗三木食放题。我一向都几钟意食放题， 因为可以任食串烧同烧物，当然唔少得鱼生啦！最重要系唔使再睇价钱任嗌！！！！第一次去三木，同网上评语一样，系一个唔错嘅选择。服务唔错，员工嘅非常有效率，地方唔会好窄好逼，上菜非常快，又冇乜漏单。最好既系book几点都得，好多放题都限时段，一系6点，一系8点，早又赶唔切，晏就要等死人。总之你book几点就由入座起计两个钟，最后15分钟就last order。因为佢啲嘢嚟得好快，所以唔会话唔够时间食，反而系唔好落order落得咁快，唔系张台好快无位放。佢哋嘅食物种类都好多，鱼生，寿司，军舰，烧物，炸物，天妇罗，串烧，锅物，沙律同甜品（希望无记漏）。仲有饮品！由于我已经唔再饮甜嘢，所以饮品就无可奉告，不过都系果啲啦，汽水呀，绿茶呀 etc....我钟意食嘅有：鱼生：希灵鱼，象拔蚌 （佢哋所有嘅鱼生都好新鲜）寿司：火炙寿司军舰：海胆<----佢哋啲海胆都好新鲜，份量适中烧物：厚切牛脷，一口牛柳粒串烧：鸡软骨 （烧得好够，好干身，好脆），软心蕃薯（又腍又甜），鹌春蛋甜品：朱古力慕丝，所有嘅雪糕，炮芙 （系元气果啲嚟架，而家元气都要18蚊三粒，梗系要食
第一次去三木，同网上评语一样，系一个唔错嘅选择。服务唔错，员工嘅非常有效率，地方唔会好窄好逼，上菜非常快，又冇乜漏单。最好既系book几点都得，好多放题都限时段，一系6点，一系8点，早又赶唔切，晏就要等死人。总之你book几点就由入座起计两个钟，最后15分钟就last order。因为佢啲嘢嚟得好快，所以唔会话唔够时间食，反而系唔好落order落得咁快，唔系张台好快无位放。
佢哋嘅食物种类都好多，鱼生，寿司，军舰，烧物，炸物，天妇罗，串烧，锅物，沙律同甜品（希望无记漏）。仲有饮品！由于我已经唔再饮甜嘢，所以饮品就无可奉告，不过都系果啲啦，汽水呀，绿茶呀 etc....
我钟意食嘅有：
鱼生：希灵鱼，象拔蚌 （佢哋所有嘅鱼生都好新鲜）
寿司：火炙寿司
军舰：海胆<----佢哋啲海胆都好新鲜，份量适中
烧物：厚切牛脷，一口牛柳粒
串烧：鸡软骨 （烧得好够，好干身，好脆），软心蕃薯（又腍又甜），鹌春蛋
甜品：朱古力慕丝，所有嘅雪糕，炮芙 （系元气果啲嚟架，而家元气都要18蚊三粒，梗系要食返够本）
至于其他.....天妇罗嘅炸粉就厚咗少少，特别系炸虾。七味鸡软骨就太油。炸物嘅炸皮都系比较厚，或者系我本身唔系好钟意，所以觉得麻麻地）。3.6北海道牛奶布甸就淡咗少少，食咗其他甜品再食就无乜味。辣酒东风螺都麻麻地。
238加一，我觉得算系咁，种类又多，服务又ok。值得一试！
张贴
