Noodies (已結業)

好日都唔会走到去西环，今日上昼喺上环见完客，谂起bookmark左一排都仲未食到既Noodies，于是专诚搭左一个站黎食。事前睇左d review，好坏参半、比较极端，但仍然对佢既喇沙汤底同猪手寄予厚望。12点黎到既我似乎系第一个客，店内仲热过八月香港条街，真系个心都离一离😨店员话已经开左冷气，或者坐入D会凉啲。好啦坐啦，又比我feel到厨房既热气喷紧出黎...事前做晒功课，迅速order左喇沙汤、米粉、猪手、手撕鸡、溏心蛋 $65。上台𠮶刻第一时间见到只蛋 - 唔溏心既喂?! 亲这是全熟蛋哦.....💀💀💀试一啖喇沙汤，够椰味但系唔够鲜味，唔明点解其他comments讲到咁正，冇咩特别㖞🤷🏻‍♀️ 手撕鸡就可以接受，浸完喇沙汤都唔会食唔出本身既调味。猪手系另上既，炆得颇入味，连个汁都胶胶地。如果汤底可以拣炆猪手个汁应该会好食好多！本身叫左少辣，唔想食到出晒汗再番公司。我系个极唔怕热好少出汗既人，但系食到一半已经滴紧汗热到想死！问店员攞杯冻水都要加钱，或者叫我加钱叫野饮，但而家系你地餐厅冷气坏左㖞...埋单𠮶时先有第二台客黎，个个都嗌热👺对一碗charge平时车仔面两倍价钱既餐厅，环境差