牛魔 (已結業)

强烈唔建议去食。比所谓嘅好评呃左去食。本来见到OpenRice 咁多好评就决定同朋友去食生日饭，系门口已经觉得伏。因为大热天时，地铁站行到去都出哂汗，入到餐厅仲要冇冷气咁食烧肉。 我地谂住好多好评，只要食物质素好，都可以滴住汗咁食嘅。可惜同我哋嘅期望有跌落谷底嘅落差😫 我地叫左一个周年套餐同埋两杯嘢饮，一共大约一千蚊。 黎到嘅肉竟然未解冻好，好硬一大嚿，根本就烧唔到。 其他好评入边所谓好食嘅牛舌系一啲味都冇。基本上所有嘅肉类都冇腌制过，味道系靠你自己点酱料。喺冇腌制过嘅肉类应该会食到肉味可惜系乜嘢味都冇。 个牛肉炒饭嘅味道真系一言难尽，我哋食咗一啖就冇再食。 两杯嘢饮一杯系菠萝梳打，另一杯系柑桔梳打。菠萝梳打嘅味道好假同死甜，柑桔梳打变咗咸柠七咁嘅味😮‍💨总括嚟讲，要我比$1000喺冇冷气嘅地方下，再加上香港嘅高温，去食啲咁难食嘅烧肉我觉得冇性价比啰。