嘉華茶餐廳 (已結業)

今日师傅见唔系好大雨, 于是就决定行远d, 揾下野食, 本来想去檀岛食个午餐, 点知去到见到劲多人, 加上见到个午餐唔系咁啱食, 决定行远少少; 去到呢间食店门口, 师傅见到个午餐几吸引, 于是就决定入黎医肚!入到去地方都几细, 伙计都有礼安排入座, 坐底后即刻睇下有咩食, 不过最后都系柯打左个精选午餐, 拣左三号仔洋葱猪扒火腿饭同埋冻柠茶!望穿秋水终于等到碟洋葱猪扒火腿饭, 卖相都一般, 份量都系一般啦; 先试下个汁, 几香不过几杰, 味道可以; 而火腿得一块, 冇咩特别; 猪扒又系得一块, 唔算好大块, 肉身几松, 不过就几干身, 都系普通啦; 而杯冻柠茶就几大杯, 不过茶底几涩, 饮唔到有柠檬味同甜味, 都系一般啦!总括黎讲食物质素普通, 服务一般, 地方就几细, 价钱都算公价, 三十蚊个午餐, 冻饮加两蚊, 抵唔抵食就见仁见智; 师傅觉得如果偶然黎呢度食一餐, 都可以接受, 不过应该冇下次, 因为冇咩野吸引到师傅喇!