韓日屋燒烤放題 (已結業)

朋友听讲呢度环境唔错，又就脚，我谂只有后者系岩既。我地八个人订左位，七点正直入，坐响最入既位置。位置上初初冇乜野，越食就越热越焗。我地有人想食刺身，都系加$30啫，豪比佢。我见到喜爱既希灵鱼，第一时间就夹入口，先唔讲佢有冇希灵鱼𠮶种特别既味道，事实佢系乜味都冇，连醋味都冇，唔知摆左乜入口。其余既野例如甜虾系唔甜的，其他都卖相一般，无兴趣食了。点野食，先讲已煮既。天妇罗每件有85%系炸粉，炸鸡块都一样，睇到啲油已经入哂里面，深色兼油腻得很。炸物只有日式饺子ok，其余一般。讲红肉，其实好睇煎野技巧，不过我好记得牛肋骨肉唔似牛肋骨肉。我好明白放题式既食肆里面正常都唔会有靓食材，我只能够比40/100分，因为连件菠萝都会太生而食唔落口。甜品，唔讲买返黎既产品，芝士蛋糕系ok的，糕点都可以，有款用杯仔装既奶制品就唔好食了。总括黎讲如果对食物品质无乜要求的话，价钱还可以。稍有要求的话，呢度就唔算系好选择了。