Unique Café & Kitchen (已結業)

一向都预咗这种比小朋友玩乐的餐厅唔会好食，又有好贵的最低消费，但都估唔到啲服务差成咁！去食晚餐，因为我姐姐只吃猪肉，咁我叫咗个意粉比佢，一路都冇嚟，我以为系咁慢，个似老板的女性话我们未够钱，欠188，咁我之前计过唔系这数，我就问佢点计，佢只系比个总数我，我唯有再叫多啲，叫完之后碟意粉仲未嚟，我追单，问好耐都答唔到我，我同佢解释，如果件冇落单我就取消最新的单，意粉我一定要，点知我再追问佢，佢帮我取消咗碟意粉，话新加的已煮好，我话一定唔得，我姐姐要食。佢就开始串我，又话我姐姐咁耐冇野食唔出声（我追极冇人埋），又话咩我姐姐只食猪，又话我姐姐睇你地食咁耐冇野食都得。厨房煮好意粉，又唔比服务员放低，咁我话我要埋刚煮好果碟啦！佢话咁我仲欠40㖞！我立即再自己计，原来欠2元，佢先话，第二样都煮好啦！要埋啦！如果唔系佢串我，我都要埋冇所谓，我姐钟意食甜品，但佢态度太衰，我只叫了10元汽水。小朋友开始玩，又突然话有人尿尿了要关门，关掉所有灯，唔比玩。虽然系好细的活动范围，但食完冇得玩，小朋友唔开心。