影片
更多
2023-12-04
424 浏览
第一次未食任何嘢，都要比差评嘅一间餐厅。今日星期一下午1:30左右，我哋两公婆同埋两岁小朋友想去无二三食嘢，之前打电话问佢有冇BB凳，佢一听到我哋有BB，就即刻话冇BB凳之余，仲要人头收费$70。我话BB得两岁唔会食嘢，佢都坚持要收；咁我都觉得冇所谓，所以就入咗呢间餐厅。入到去拣嘢食嘅时候， BB喺老公嘅陪同下行咗去隔离玻璃门囗睇出边街景，期间冇掂到店内任何物品。我就叫侍应姐姐嚟嗌嘢食，点知佢话BB唔坐好，唔可以嗌嘢食。我话我明白小朋友唔可以喺店内走来走去，但系希望佢哋理解小朋友仲细，需要少少时间安顿，我可以一路搞掂佢一路嗌嘢食。佢坚持唔俾我嗌嘢食，跟住男老板仲叫我哋搞掂好个小朋友先至好入嚟食嘢。我麻烦佢哋理解小朋友真系细，但系唔会影响到佢哋生意，兼夹𠮶时得我一台客，并冇其他客人，但系男老板同个侍应姐姐keep住态度差，唔俾我哋嗌嘢食，最后侍应姐姐仲喺我手中「抢走」个Menu。我明白Cafe唔系招呼小朋友，但系佢哋态度恶劣，兼且一啲同理心都冇。平心而论，我哋去嘅时候冇其他客人，我BB既无喧哗大喊，亦冇掂过佢店内任何嘢，所以绝对影响唔到佢做生意；我亦都只系要求佢俾多少少时间我去安顿个小朋
今日星期一下午1:30左右，我哋两公婆同埋两岁小朋友想去无二三食嘢，之前打电话问佢有冇BB凳，佢一听到我哋有BB，就即刻话冇BB凳之余，仲要人头收费$70。我话BB得两岁唔会食嘢，佢都坚持要收；咁我都觉得冇所谓，所以就入咗呢间餐厅。
入到去拣嘢食嘅时候， BB喺老公嘅陪同下行咗去隔离玻璃门囗睇出边街景，期间冇掂到店内任何物品。我就叫侍应姐姐嚟嗌嘢食，点知佢话BB唔坐好，唔可以嗌嘢食。我话我明白小朋友唔可以喺店内走来走去，但系希望佢哋理解小朋友仲细，需要少少时间安顿，我可以一路搞掂佢一路嗌嘢食。
佢坚持唔俾我嗌嘢食，跟住男老板仲叫我哋搞掂好个小朋友先至好入嚟食嘢。我麻烦佢哋理解小朋友真系细，但系唔会影响到佢哋生意，兼夹𠮶时得我一台客，并冇其他客人，但系男老板同个侍应姐姐keep住态度差，唔俾我哋嗌嘢食，最后侍应姐姐仲喺我手中「抢走」个Menu。
我明白Cafe唔系招呼小朋友，但系佢哋态度恶劣，兼且一啲同理心都冇。平心而论，我哋去嘅时候冇其他客人，我BB既无喧哗大喊，亦冇掂过佢店内任何嘢，所以绝对影响唔到佢做生意；我亦都只系要求佢俾多少少时间我去安顿个小朋友，但系佢哋连咁小嘅同理心都冇，简直可耻。
再退一步讲，如果当初佢哋真系唔想小朋友入店内，大可以系我打电话去嘅时候同我讲佢哋唔欢迎小朋友，或者唔喺店舖内标贴不准小朋友来进，咁我绝对唔会带个小朋友去𠮶度食嘢。
可能唔系所有人会认同，但系我觉得一间好嘅Cafe，除咗咖啡好饮啲嘢好食，个老板同啲员工嘅态度都好紧要。就好似今日呢件事嚟讲，我真系明白小店舖唔欢迎小朋友，因为小朋友真系难控制过大人，亦有可能影响生意，但系最紧要系佢哋嘅态度。其实佢哋可以一开始开门见山同我讲，佢哋唔接待小朋友，咁就唔会有之后嘅事情发生。
张贴