Noodies (已結業)

边个话出去食饭就下下都系食味精㗎，呢间汤面正呀喂，啲汤佢地自己每朝新鲜煲，卖晒就冇，上次行过见到7点就沽清汤底，今次终于试到啦！啲汤好好味，我饮晒成碗，满足^_^重点系饮完啲汤隔好耐都唔会觉得口渴，因为真系冇味精，又唔会好似日本人猪骨汤咁浓味，好清甜，就好似屋企妈妈煲的汤，再加埋面，真心唔错！真系要赞一赞啲𩠌，好抵食㖞，叫左溏心蛋，云吞，豆卜，个fd就叫左猪手，墨鱼丸。个溏心蛋啱啱好，仲好溏心，但我比较中意咸少少，对我黎讲有少少淡。个fd话猪手好林，仲好多骨胶原咁，见到开店仲好贴心咁附上另一只碟装骨～但fd比较中意浸落啲汤度一齐食。我将豆卜留到最后，索晒啲汤，好好食咖㖞，正！