寶蓮禪寺齋堂

营业中

休息中

斋堂位于宝莲禅寺隔离，有外卖区同堂食区。堂食划一收费$150一位。越多人一齐食，佢嘅种类都会多啲。汤同饭可以无限添加。斋菜种类颇多，虽然味道唔会非常惊喜，都系平平实实住家菜嘅水准，但系胜在冇味精又唔油。自己最钟意系柠檬鸡，酸酸甜甜，斋嘅质感又几滑。如果人多，会比碟鲍鱼菇生菜，鲍鱼菇味道好浓郁。另外可以无限添加嘅例汤底都饮得好舒服，就算冇肉都好够味，而且冇味精味，又唔会好油。如果去开大屿山一日游，或者行山经过，不妨到宝莲寺食吓斋。冇肉冇味精唔油，味道唔伏，健康又疗愈嘅一餐。而且价钱又唔贵。环境： ★★★☆☆ 食物： ★★★☆☆ 性价比： ★★★★☆ 推介度： ★★★★☆