魚蝦蟹 (已結業)

我自己本身唔系太钟意食拉面，因为觉得个汤底通常都比较油同比较滞，不过见呢一间主打冇味精嘅汤底，加上系海鲜汤底，咁朋友话想试，就比一次机会佢啦，点知真系有惊喜！呢到装修同氛围都好温馨，感觉就好似外国啲小店咁样，我地两个都要左招牌鲜浓虾汤面，一上枱已经闻到好浓嘅鲜虾味，汤底亦都呈现淡淡嘅橙色，真系真材实料，饮落去好清甜好鲜味，之后将成碗汤饮晒，都完全冇口渴，真系冇味精！我哋都配咗跟套餐，我最欣赏就系佢个蕃茄同莲藕片渍，酸酸甜甜，超级开胃！另外我哋都叫咗个小食，就系个蒸鱼肉烧卖配招牌特浓鲜虾汁，呢个真系要即刻食，因为上面有虾片，加埋个酱汁，真系有超级浓嘅虾味！呢到店员哥哥超有礼貌，自己一个人搞掂晒楼面同收银，大家一定要嚟多多支持！