銘陽車仔麵 (已搬遷) 新店位置

次次去到路德围都好纠结食啲乜， 太多选择反而难做选择，路口见到有人攞住广告牌， 见门口种类也不少， 仲可以加配饮品( 如百香果茶、芋香珍珠和豆浆等。)同大部车仔面一样，都系自己填纸落order， 我选择咗猪颈肉.大肠.炸鱼皮米线，汤底浓郁( 加咗沙嗲汁小辣)， 另外再叫多个炸豆腐同埋腐乳通菜。猪颈肉同大肠大大嚿都抵食，大肠洗得干净， 煮得入味， 如果淋一点就更perfect；猪颈肉唔肥亦唔韧； 炸鱼皮分开上， 脆卜卜， 吸咗汤仲好食。豆腐配上类似豆瓣酱， 脆口豆味浓。 而我必叫嘅腐乳通菜， 比正常嘅大碟， 腐乳酱香味浓郁。至于饮品原本想叫抹茶红豆，但系怕太饱叫咗百香果茶， 虽然冇果肉但系百香果配红茶也是不错之选。平时车仔面嘅座位比较迫夹，但系呢间我觉得算松动， 有二人四人座位可供选择。