81手工餃子

营业中

休息中

呢两年呢周围都有好多好多嘅饺子店，基本上大家卖嘅嘢口味都系差唔多㗎啦。有唔同嘅话，大部份只系汤底之别。今日帮衬呢一间饺子店位于喺元朗鸡地附近，要喺呢个位生存都真系有啲难度。隔离附近就有元朗最出名嘅台湾罗东肉焿番、潮兴清汤腩、合兴车仔面。呢几间都好好食，有一定水准，不过罗东就唔系咁啱我口味！呢间系名副其实嘅舖头仔，只可以容纳大约6人。厨房系开放式，见到有两个人喺入面包紧饺子，另外有一个人咩帮手落单之后都入去煮。今日分别叫咗韭菜猪肉汤饺、芹菜猪肉汤饺，及白菜煎猪肉饺。饺子都系一般般大小，当然唔会好似云吞咁细粒啦。第一口当然试下个汤底，好清淡，食开重口味嘅人一定要加调味料。芹菜饺都足料，好清新！煎白菜猪肉饺，睇个样都靓嘅，脆卜卜好老实讲，当我食完韭菜猪肉汤饺嘅话，我再食白菜饺时，根本就觉得完全冇味嘅。我唔知道系前者味道太浓，定系呢款太清淡？可以肯定嘅系呢间舖头一啲味精都唔系好重，食完一啲口渴嘅感觉都冇，而且都好属于自家制，因为感觉上系比较轻口味。