金川湯秘制酸湯米綫

营业中

休息中

曾经有朋友介绍过天后有一间唔错嘅米线，最钟意食米线嘅，我又点会错过呢？所以今日特登过嚟试吓，入到去座位唔多，但都唔需要排队！坐低就即刻嗌嘢食，有三款米线汤底选择，食得辣嘅我，就一定拣酸辣汤底！佢嘅𩠌菜选择好多，十足车仔面一样，今日有选择困难症，听老板介绍之后，直接拣套餐，包罗万有！价钱6、70蚊，价钱中规中矩！坐咗一阵，碗米线就送到啦！第一啖试吓汤，好重酸味，可能我拣咗小辣，唔会好辣！味道饮得出冇味精，如果有都系好少！但系汤底比较淡啲！唔会好浓烈！属于比较清淡嘅酸辣米线！配料方面，鸡肉好出色，又唔会过老，好嫩滑，值得一赞！另外其他配料包括鱼蛋、虾仁，中规中矩！整体而言，佢唔系太差，都算好食！但佢唔系令你印象深刻嘅米线，如果系街坊都值得一去！