阿爸鮮食 (已結業)

公司附近開咗呢間湯麵店，大大個招牌寫住標榜冇味精豬骨湯，上星期早收工，一於買俾小朋友試吓，見到有唔同配料，好似車仔麵咁，但我覺得最特別係佢啲粉面，我叫咗一碗紫薯粉絲，同埋淮山麵，喺出邊都係比較小食到。平均六十零蚊碗，我覺得可以接受。外賣包裝幾細心，湯麵佢會搵獨立包裝放住，唔需要擔心啲面會因為外賣而發到淋晒。我叫咗兩個唔同嘅面，湯底一碗豬骨湯俾小朋友嘅，牛肚有咬口，魚蛋夠彈牙，台灣芋頭粉粉的感覺，好味。最重要係佢碗豬骨湯真係好濃郁，好好味，而且冇味精，飲完都唔會口渴。另外一碗我就叫咗辣蕃茄湯底，湯底辣辣地好開胃，最特別係嗰粒金莎丸，入邊係鹹蛋黃醬，好香好好味，淮山麵亦好彈牙比較爽口，呢間餐廳絕對令我有驚喜，可以推介比同事多多支持呢d小店。