和生飯店

营业中

休息中

已经好多年冇去过和生饭店食晚餐 今晚因为做完啲野，附近又冇乜餐厅，所以同家人系度食个简单晚餐。西兰花炒花枝片味道有啲清淡，冇乜获气，花枝片亦冇鲜味，要靠点虾酱调味。我大细佬系鱼香茄子控，佢都冇乜点食呢个鱼香茄子煲，食唔到咸鱼肉碎既咸香，虽然唔系唔好食，但都唔见得惹味。成碟豉汁蒸鱼云冇咩鱼鲜，而且豆豉唔够平均分布涂满，鱼云又唔可以完全吸到豆豉香味，只可以话不过不失。葱油鸡系最好食，青葱，葱头，豉油，油落获炒零舍香，加上鸡肉都几嫩滑，少少油香，全晚最受家人欢迎既一味𩠌。