影片
更多
2010-01-12
7 浏览
两个旧同学兼死党同我庆祝生日，决定去呢间近排略有人气的小店试试串烧，听闻店舖用上北方嘅孜然粉来做串烧的调味。返大陆的时候，往往在很多餐厅前面会摆档做新彊羊肉串之类的食品，在寒冷的天气中，远远传来香香扑鼻又暖暖的香气，我时常都会即刻冲去买一两串来吃。在香港品尝这种味道，又会是甚么滋味呢?因为这间店只开夜市，做埋宵夜(至零晨三时)，日间打去是没有人接听，不过可以留言，之后又真的会有人覆电话，于是朋友当日中午打去，之后就订了当晚的枱子。朋友是首先到达的，但佢就见好几位侍应仍然在店门外企著食烟，但时间其实已经到达餐期(星期五晚上七时后)，似乎有点异相。餐厅唔算好大，有一间私人房，当晚天气都颇寒冷，初时系安排我地坐近门口位置，不过之后要求转去较入嘅位置，如果唔系都几辛苦，见坐𠮶张枱嘅人要著住大褛嚟食。厨房算半开放式，因为虽然望到厨师的一举一动，但有一块玻璃隔住，前面仲有几个吧枱位。Order 食物系用类似点心纸嘅做法，在想食嘅食物旁写上数量，不过最特别嘅系佢喺每一张食物品种下面都有几个格，用嚟拣选所需用嘅烹调方法，例如盐烧、港式蜜糖烧，但如果要食佢地主打嘅孜然粉就反而唔需要tick任何格 (没有
因为这间店只开夜市，做埋宵夜(至零晨三时)，日间打去是没有人接听，不过可以留言，之后又真的会有人覆电话，于是朋友当日中午打去，之后就订了当晚的枱子。
朋友是首先到达的，但佢就见好几位侍应仍然在店门外企著食烟，但时间其实已经到达餐期(星期五晚上七时后)，似乎有点异相。
餐厅唔算好大，有一间私人房，当晚天气都颇寒冷，初时系安排我地坐近门口位置，不过之后要求转去较入嘅位置，如果唔系都几辛苦，见坐𠮶张枱嘅人要著住大褛嚟食。
厨房算半开放式，因为虽然望到厨师的一举一动，但有一块玻璃隔住，前面仲有几个吧枱位。
Order 食物系用类似点心纸嘅做法，在想食嘅食物旁写上数量，不过最特别嘅系佢喺每一张食物品种下面都有几个格，用嚟拣选所需用嘅烹调方法，例如盐烧、港式蜜糖烧，但如果要食佢地主打嘅孜然粉就反而唔需要tick任何格 (没有任何说明)，相反佢佢地有一格系"走孜然粉"，我又冇问如果走埋孜然粉，咁会系用咩调味呢，都几易做成混乱。
酒类方面嘅供应都算特别，要啤酒有竟然有德国啤、中国青岛啤，还有其他款式，又有红、白酒，Saki供应，都算得系联合国。
食物方面：
1. 玉乃光纯米吟酿特撰 $220/720ml - 初时落单侍应冇问要冻定热，之后给了我们三只玻璃杯及冰座后，至发觉原来我地要热饮，服务有不足之处，而且坐热后没有为我们更换杯种。这只酒味道不错，易入口。
2. 焗生蚝 (半打) - 蚝身肥美，大小适中，而且裙边一啲都唔韧，食材质素值得一赞，加上大量葱花、蒜蓉，火喉控制得啱啱好，大家食完一致赞好，仲话要encore，之后再order半打添.....
3. 盐烧多春鱼 $28/份 - 唔怪得之咁平一份，原来只用五条小多春鱼，口感欠奉，而且鱼头也烧㶶了。
4. 冰镇芥兰 $38/份 - 菜不是很嫰，有少少老，又唔够粗，预先去了皮，净返中间嘅肉，点酱酒Wasabi来吃，味道颇夹，但朋友认为其他地方(一间中环颇出名的茶餐厅) 做得还比这里出色得多。
5. 凉拌糖心皮蛋 $22/份 - 卖相精致，子姜颇嫰，皮蛋虽然糖心，但味道不鲜，带有微苦，相信系用上次级货式，大量生产所制成的皮蛋所致。另可配砂糖及类似豆瓣酱来吃。
6. 烧羊仔架 (半架 - 4件) $68/份 - 我们在下单时没有点选任何调味方法，根据侍应之前嘅解释，理应会为我地加上孜然粉去烧，但上枱后发觉没有，侍应唯有叫厨房为我们加上，但其实只见得是随便加上，完全唔均匀地哂上表面似的，咁不如我地自己用枱面的孜然粉自己加上也可 ; 羊架骨一端亦没有用锡纸包裹，不方便食用 ; 虽然算得上是肥瘦适中，但系一啲骚味都冇 ; 落单烧至medium，但结果就差不多全熟 ; 薄河膏欠奉，反而有英式芥辣。
7. 蒜蓉牛油焗金菇 - 完全唔会失手的作品，似自己去郊外BBQ似的。
8. 盐烧银杏 - 每串有十粒，份量不少，但全部都系苦的，好似没有除去支芯似的 ; 盐的份量亦晒得过多。
9. 孜然粉烧牛柳粒 - 肥瘦唔均匀，有筋，虽然今次烧得出medium，但系肉质仍然是韧的，而且碟底全是血水，失败。
10. 烧元贝 - 做法似去海鲜酒家食蒸扇贝的模样，都是用上大量葱花和蒜蓉，感觉同之前嘅生蚝差不多，稳阵之选。
11. 孜然粉烧牛舌 - 一上枱已觉得不对劲，表面可能系晒上了孜然粉的关系，表面油份被吸干了，看似干干净净似的 ; 切得太薄，冇口感可言之余，烧到入面干哂，而且冇任何牛味 ; 最大件事系每一串嘅质地都有别，有啲系石皮咁韧，但有些就似落完松肉粉后再用锤搥打完之后一样。这样质素嘅烧牛舌，如果是我第一次吃牛舌的话，可能我以后都会被吓怕不敢再吃。
12. 盐烧白鳝 - 海鲜算是稳阵的，白鳝肥美，肉质完全冇问题，但今次出错在烹调技巧方面，用火似乎猛了一点，有些皮已烧至变成炭了，苦苦的，要剥去才可继续食，而且三条竹签都已经烧黑哂，其中一条进食途中更因为烧到变得太脆而断裂，都几夸张。
13. 烧菠萝 - 烧过后，表面水份被烧干，晒上盐后特别鲜甜，值得一试。
14. 烧手打墨鱼棒 - 肉质弹牙，可能系形状关系，方便烧烤，易于入口，创作得宜。
15. 孜然粉烧鸡中翼 - 以为系万无一失的菜式，点知虽然入面刚好熟透，肉质仍然鲜嫰，但鸡皮就烧得过㶶了。
16. 孜然粉烧粟米 - 用上超甜粟米，有少少微㶶，发辉到烧香了粟米的境地。
Comments: 其实我就唔知改名有冇咩关系，点解系叫"川烧"呢，同四川有关? 但又用日式、港式、新彊式，算不上有甚么主题风格。话说回来，用甚么式都不在重点，重点在食物，这里的海鲜算是仅可接受，但系牛肉类就完全唔合格，须知道肉类在串烧中比重不轻，而呢间又主要用上孜然粉，言而孜然粉只对羊肉是绝配，但唔系样样都可以落。结论，可能去返日式串烧至最稳阵。
Full photo blog: http://hk.myblog.yahoo.com/mokharvey/article?new=1&mid=2544
张贴
