炎天丼 (已結業)

自己好钟意食天妇罗丼，但系香港嘅天妇罗丼基本上以前都系百几蚊起跳。自从有咗炎天丼，我就成为咗帮衬嘅常客。老实讲我觉得呢一个价钱真系冇嘢好挑剔，仲可以享受到炸天妇罗流心蛋。虽然虾唔会话好大只，但系都唔会觉得系好霉。鱿鱼爽口弹牙，全部炸物好多时都系热辣辣新鲜出炉。而且我真系超级钟意佢嘅炸菜心，第一次知道原来菜心可以做天妇罗。佢嘅茄子炸得超好食，茄子好软熟，我唔相信钟意食茄子嘅人会唔钟意炎天丼嘅茄子。如果真系要喺鸡蛋入边挑骨头，我会话我觉得佢嘅酱汁甜咗少少。除此之外，好多时候系我食到一半，侍应哥哥都会问我够唔够饭素，我话唔够佢就会俾好多我，超级主动好客，有时真系唔好意思同佢讲多得滞。