滄浪亭

营业中

休息中

呢间上海嘢不嬲好多人排队，食物味道一直不错，但店铺拥挤，重点系店员态度好差。今日去食完之后埋单店员话得现金支付（但店门口冇写明只收现金）。我同朋友咁啱冇现金系身，于是问佢咁我地去ATM攞钱啦。佢话唔得，一系你地扣低d野，唔系自己谂办法，讲下讲下仲叫我地扣低身分证。我心谂扣人身分证好似犯法wor，但仍然客气话身分证唔可以俾你，并表示宜家唔系我地唔比钱，系你地冇渠道收钱，店员一再表示佢哋唔理，仲叫我地揾在场食客换钱。眼见店员不可理喻，最终我地都系扣低左张卡系店铺到去攞钱。成件事净系感受到店员不停将自己既责任推卸到客人身上，亦无意解决自己的问题。总结一句，虽然食物不错，但咁既态度，下次都系免了。