東小館 (東匯坊) (裝修中)

鰂魚涌東匯中心東小館聞名已久，假期相約朋友來飲茶，果然冇令人失望。一行四人，我們點了九碟食物。掛糖叉燒，果然名不虛傳，厚切保留肉汁，肥瘦相間👍👍👍青瓜配海蜇，青瓜爽甜，海蜇充滿麻香😋蝦餃皮薄彈牙，餡料是爽甜的大蝦配上筍笠，好味道。醬皇蒸鳳爪醬汁好入味，好想encore，但係枱面仲有好多食物。XO醬煎腸粉惹味，錦鹵雲吞脆卜卜，裏面的蝦仁大隻爽口。魷魚鬚炸得香脆，係一樣值得encore嘅食物。去飲茶叫咗蝦餃點會少得叫燒賣，燒賣好大粒，有冬菇香，配上蟹籽壓軸是龍蝦湯海鮮脆米跑飯，龍蝦湯鮮甜香濃，湯裏面有泡飯和海鮮粒，配上脆米，簡直是人間美味，難怪我的朋友每次來都會點呢樣食物。餐廳環境裝修雅致，地點方便。每一個點心和食物都真係冇得彈，值得一再光顧。