會所1號 科學園 (已結業)

婚礼一生人一次，好多人都想拣间又平又靓。我谂平又靓系可以做到，但嚟openrice 当然系想知d 野好唔好食。Club One个名臭就上下网都知，但如果人地摆酒又边轮到你拣。乳猪，就已经肥糕多过肉好多。仲要一人分两旧，好明显砌唔够一只猪。炸蟹钳就好似咸水角咁上下size，未至于难食。但见到都唔知想点。瑶柱节瓜圃，两样野分开一旧节瓜加一pat 瑶柱汁，有少少瑶柱。瓜冇咩味，加埋汁都冇咩味，同埋有渣ge。条鱼比小菜size多少少，但d waitress 根本冇心机分，分到每人都有就成碟拎走，其实仲有肉o系碟。只鸡d 皮就咬唔开ge，炸子鸡suppose 系脆挂。个翅就碗大但份量少，有鸡汤味咁，但揾唔到翅o系边。个甜品就是但揾间酒楼饮茶ge甜品都好食过佢。主要系冇咩味，同埋俾人食到雪咗好耐咁。除咗野食之外，d staff 又唔够人又生手。相信都系炒散。我见到冇人写过食评，所以写呢篇俾大家参考下。