蝦匠 (已結業)

虾少，即系虾多士，好耐都冇食过炸得咁好嘅虾多士，不得不赞呢间小店嘅炸物真系做得好好，三角形嘅多士炸到金黄色，但系上到枱一滴油都冇，入口香脆，最叻仔嘅系一啲都唔戒口，因为有好多做得唔好嘅会整到上颚受伤，虾胶弹牙，有两大块，好满足！虾虾覇覇，即系炸虾饼，又系另外一个必食，入口香脆弹牙，有虾嘅鲜味，我最钟意佢两大块，原块上，钟意一大啖咬落去又得，切开细细旧慢慢食又得！讲返个主角，虾匠汤，我哋一个叫左掺掺，一个叫咗米线，上到枱我哋都吓咗一跳，真系好大碗！面多，汤多，配料多！钟意佢有微微辣，入口有虾嘅甘甜，配料又虾又扎肉有豆卜有芽菜，我哋仲加咗花胶，同埋虾匠滑，又好味又抵食！我哋两个人叫咗一杯百香天葵，酸酸甜甜，好开胃，食完炸嘢饮番佢成个人舒服晒！