Goobne Chicken (M88) (已結業)

自从韩剧来自星星的你播出之后, 炸鸡就好似成为咗韩食嘅代表。依家嘅年青人多受韩流嘅影响, 无论系衣、食、娱乐都冇一不“韩”。不过可能依家年纪唔细， 对于韩流兴趣不大， 唯一钟意嘅就系食韩国嘢。今日就去咗兰桂坊隔离M88嘅 《Goobne》， 听闻呢间《Goobne》喺韩国有成千间分店，喺香港都开咗成六间分店。 呢间位于中环嘅店，地点超级方便，食完饭行过隔离就系兰桂坊， 啱晒一众热闹人士。今日由于人多，可以试到两种口味嘅炸鸡。 第一款系Fruity Soy Garlic 果香蒜味烤鸡， 第二款就系深层芝士烤鸡。 果香蒜味烤鸡上面淋有酱汁，食落甜甜酸酸，清甜嘅苹果味加上清新嘅柠檬味，再加上惹味嘅蒜香，令我哋食到舐晒手指。 虽然酱汁淋上烤鸡面， 但烤鸡嘅皮都可以保持住香脆。 而且由于烤鸡唔系油炸而系烤焗， 所以可以将鸡嘅油脂迫出， 食落就冇咁油腻。至于第二种口味深层芝士烤鸡， 上面撒满各种芝士粉， 芝士粉带有咸香之余，亦带点甜味。味道有点似细个食开嘅芝士圈。 一咬落去爆出肉汁， 由于芝士粉散布系鸡皮上面，真系好难将鸡皮放弃，将肥胖置诸不理。除咗炸鸡之外， 呢度嘅特制鸡蛋卷都非常之出色， 鸡蛋